Ош базарындагы өрттөн  5 миң 412 чарчы метр аянт  жабыркаган

Ош базарынын “Берекет” соода комплексинде 13-апрелге караган түнү чыккан өрттөн  5 миң 412 чарчы метр аянт  өрттөнгөн. Бул туурасында ӨКМдин маалымат кызматы билдирди.

Келтирилген чыгым жана өрттүн келип чыгуу себеби такталууда. Атайылап өрт коюлган  деген божомол да каралып жатат.  Өрт чыккан жерде 14 өрт өчүрүүчү бригада, Бишкексууканалынан 2, “Тазалык” ишканасынан 2  суу ташуучу унаа иштеген.